Përparim Rama tashmë është kryetar i ri i kryeqytetit të Kosovës, Prishtinës.
Për fitorën e tij, ka reaguar edhe kryetari i Republikanëve të Kosovës, Faton Kurti.
Ai thotë se, fitorja e Ramës bën të kuptojmë se marrja e resurseve njerëzore profesionale nga jashtë, e sjell suksesin e sigurt.
Ai shpreson që Rama do ta shndërroj Prishtinën nga një ‘xhungël betoni’ në një qytet të banueshëm dhe atraktiv.
Postimi i plotë:
Fitorja e Përparim Ramës për Kryetar të Prishtinës na bën të gjithëve të kuptojmë se marrja e resurseve njerëzore profesionale jashtë partiake dhe militante e sjell suksesin e sigurt dhe jo vetëm për subjektin e tij politik por edhe për qytetarët.
Z. Rama, shpresojmë se ju si kryetar i ri i Prishtinës do t'i mbeteni besnik fjalëve të juaja të dhëna gjatë fushatës elektorale se Prishtinën do ta shndërroni nga një "xhungël betoni" në një qytet të banueshëm dhe atraktiv për të gjithë qytetarët e saj dhe nuk do ta politizoni postin e Kryetarit të Prishtinës.
Unë mendoj se qytetarët e Prishtinës kësaj radhe votuan sipas motos:
"Arkitekt mbaro shtëpia" dhe "Doktor shëro pacientët"
URIME DHE SUKSESE!
