Memli Krasniqi, kryetar i PDK’së thotë se s’ka pasur marrëveshje me LDK’në për Prishtinën e Prizrenin. Komentet Krasniqi i bëri në emisionin Pressing.
“Nuk kemi bërë marrëveshje për Prishtinë dhe Prizren me LDK’në”, tha Krasniqi.
Por a do të jetë PDK pjesë e ekzekutivit në kryeqytet?
“Kjo është çështje që i takon degës së Prishtinës dhe Uran Ismailit si kryetar i degës dhe as që është diskutuar një gjë e tillë deri tash. Më merr mendja që kjo i takon para së gjithash fitueseve të zgjedhjeve qysh na takon ne në Prizren me biseduar me palët potenciale edhe pse ne në Prizren kemi një koalicion formal me AAK’në Nismën e AKR’në”, tha Krasniqi në Pressing.
Në balotazh në Prishtinë gara ishte në mes të Arben Vitisë së VV’së dhe Përparim Ramës se LDK’së.
Po për cilin votoi i pari i PDK’së?
“Vota është e fshehtë, nuk mundem me tregu”, tha Krasniqi.
“’Për rundin e dytë e pata përgjigjen’, tha Krasniqi duke qeshur.
