Ambasadori gjerman në vendin tonë, Jorn Rohde, tha se ende nuk ka parë ndonjë rezultat nga iniciativa e Ballkanit të Hapur.
Sipas tij, nëse Procesi i Berlinit ka shembuj konkret si heqja e tarifave të romingut, një gjë e tillë nuk mund të thuhet për iniciativën në të cilën Kosova refuzon të bëhet pjesë.
Gjithsesi, Rohde tha se vendet e Ballkanit Perëndimor duhet të punojnë së bashku pasi janë të lidhura gjeografikisht dhe komshinjtë nuk mund të ndërrohen.
“Prej Open Ballkanit nuk shohim ende rezultatet. Por, përderisa proceset e tilla nuk i minojnë ato ekzistuese nuk mund të jemi kritikë ndaj tyre, por çështja kryesore është se ju keni 6 vende të Ballkanit Perëndimor që janë të lidhura gjeografikisht dhe që duhet të punojnë së bashku sepse s’mund të ndryshoni komshinjtë”, tha Rohde.
