Ministria e Shëndetësisë ka njoftuar se informacioni për lokacionet e vaksinimit do të afishohet edhe në pagesa të ndryshme si “slip paper” e kupona jo-fiskal.
Sipas MSh-së kjo po bëhet me qëllim që të inkurajohen qytetarët që të vaksinohen kundër koronavirusit.
Tutje ministria ka bërë të ditur se informacione për vaksinim do të ketë edhe në banera e web faqe të ndryshme.
“Edhe në mesazhet SMS që institucionet e kompanitë i nisin drejt qytetarëve e klientëve; Në “banner”-ët e web-faqeve, në nënshkrimet e mesazheve e-mail; Nëpër sportelet e institucioneve publike dhe shumë kompanive private dhe në zonat me frekuentim të lartë do të vendosen stickers me QR Code që përmban të dhëna të detajuara për qendrat e vaksinimit dhe në vijimsi do të përditësohen me të dhëna lidhur me vaksinuar, për të lehtësuar kështu qasjen në vaksinim për secilin qytetar të Republikës së Kosovës”, shkruhet ndër të tjera në njoftimin e ministrisë.
