Driton Tali, këshilltar i kryeparlamentarit Glauk Konjufca, ka reaguar për deklaratën e deputetes së Partisë Demokratike të Kosovës Blerta Deliu-Kodra, që e quajti terrorist kunatin e Ministres së Drejtësisë Albulena Haxhiu.
Tali ka treguar se një vit më parë, ai ishte cak i sulmeve për shkak të një pyetjeje drejtuar ish-presidentit Hashim Thaçi, lidhur me pasurinë e tij, përcjell Bota sot.
Ai ka thënë se është sharë dhe kërcënuar për këtë deklaratë, ndërsa sot mediat, sipas tij, po heshtin për deklaratën e deputetes së PDK-së.
Reagimi i Talit në Facebook:
A thua si do të reagonin mediat e hyçmetit të moçëm sikur znj.Deliu të ishte deputete e LV-së?!
Vjet ja pata bërë një pyetje z.Thaçi se "ku e more pasurinë kur as nuk e ke trashëguar e as fituar, për faktin se babain e kishte një nëpunës të thjeshtë e nënën amvise (të papunë) me një familje shumë anëtarëshe, kurse të hyrat e tij si deputet, kryeministër, ministër i Punëve të Jashtme e President (krejt këto pas Luftës) nuk e korrespondonin pasurinë".
Vluan mediat e hyçmetit të moçëm me tituj si: "E ulët, këshilltari i kryeministrit Kurti merret me nënën e Presidentit", "Këshilltari i kryeministrit Kurti ofendon nënën e Presidentit", e blla blla blla.
E sa hajvani e sa dilengjija më patën sha e kërcënu, përkundër asaj se shumë mirë e kuptonin poentën time, pra që prindërit e z.Thaçi nuk ishin poenta, por pasuria.
E shihni si heshtin tashti, bile disa edhe e arsyetojnë.
