Ja nga kush e ruanin truprojat presidentin Rugova, sipas gjeneralit gjerman që vdiq sot

Gjatë ditës së sotme ka ndërruar jetë ish-komandanti i KFOR-it në Kosovë, Klaus Reinhardt.

Lajmin e ka bërë të ditur, ministrja e Punëve të Jashtme dhe Diasporës, Donika Gërvalla përmes një postimi në Facebook.

“Si komandant i parë gjerman i trupave të KFOR-it në Kosovë, Gjenerali Reinhardt ka dhënë një kontribut vendimtar në kthimin gradual të Republikës së Kosovës në një jetë normale, civile dhe në rindërtimin e vendit pas një lufte të tmerrshme dhe përballjes me gjenocid. Krahas mbrojtjes së popullsisë, vendosjes dhe ruajtjes së paqes në Kosovë, roli i Gjeneralit Reinhardt ishte vendimtar edhe në dhënien e impulseve të shumta dhe të rëndësishme për rindërtimin e shtëpive private dhe institucioneve publike si dhe në ringritjen e institucioneve civile. Me shërbimin dhe udhëheqjen e tij, ai ka dhënë një kontribut shumë të çmuar jo vetëm për Kosovën, por edhe për vendin e tij, Gjermaninë dhe me të drejtë ka zënë një vend të paëvendësueshëm në kujtesën kolektive të qytetarëve të Kosovës.”, ka shkruar Gërvalla.

E vite me parë, publicisti shqiptar që jeton dhe vepron në Zvicër, Xhevat Rexhaj, përmes një postimi të tij në facebook, kishte postuar një fragment të librit “KFORI” të Gjeneralit Gjerman, Gjenrali K. Reinhardt.

Sipas fragmentit të përkthyer nga gjuha gjermane, gjenerali kishte se Rugovën e ruanin truprojat nga “të vështirët” dhe kundërshtarët politik.

E këtë, Rexhaj e ka përsëtitur përsëri prapë sot, teksa ka shprehur ngushëllime për vdekjen e Gjeneralit Reinhardt.

“Pushofte në paqe miku i madh i R. së Kosovës gjen Klaus Reinhardt! Gjenerali i KFOR-it në librin e tij: "Rugovën e ruanin truprojat nga ” të vështirët” dhe kundërshtarët politik”, shkruan ndër tjerash Rexhaj, përcjellë “Bota sot”.

Postimi i plotë:

Pushoftë në paqe miku i madh i R. se Kosovës gjen Klaus Reinhardt!

Gjenerali i KFOR-it në librin e tij : "Rugovën e ruanin truprojat nga ”të vështirët” dhe kundërshtarët politik"!!!

11 nandor 1999, shkruar nga gjenerali Klaus Reinhardt.

" Shtëpia e z. Rugova e cila shërben edhe si rezidencë është një shtëpi normale….Rugova është një mikëpritës plotë dashuri njerëzore…Aty isha me Z. Gilmoore, dhe pasi që Rugova na tregoi brendinë, tregoi edhe dhomën në të cilën e kishin mbyllur ( burgosur) serbët gjatë luftës…Brendia e shtëpisë me ato dekorime druri nga qyteti i Pejës, me bënë të ndihem sikur në dhomat e ndejës në Bajernin Verior ( Gjermani)..Ai ndër të tjera na kërkoi që ne të bëjmë çka është e mundur që të ruhet Trepça, të fillojnë punët aty ku është e mundur…..Në fundë une mora përseri edhe një gur kristali të TREPCËS si dhuratë…."

Gjenrali K. Reinhardt , libri KFORI, faqe 189-190…. Pjesë nga libri i gjen. Klaus Rheinardt.