Në Kosovë, shumë personalitete reaguan me pikëllim pas lajmit për vdekjen e ish senatorit amerikan, Bob Dole, roli i të cilit vlerësohet i pazëvendësueshëm për zhvillimet politike që çuan në çlirimin dhe pavarësimin e Kosovës.
I Ngarkuari me punë në ambasadën amerikane në Prishtinë, Nicholas J. Giacobbe, shkroi se “ndërsa vajtojmë humbjen e nëpunësit publik dhe të burrështetasit të lartë, senatorit Bob Dolet, ne kujtojmë kontributin e tij të pazëvendësueshëm për Kosovën dhe punën e tij për avancimin e lirive demokratike në mbarë botën. Shërbimi i tij le të jetë frymëzim për ne dhe gjeneratat e reja të amerikanëve dhe qytetarëve të Kosovës”, shkroi ai.
As we mourn the loss of lifetime public servant & senior statesman @SenatorDole today, we remember his indispensable contributions to Kosovo & his work advancing democratic freedoms worldwide. Let his service be an inspiration for us & new generations of Americans & Kosovans. pic.twitter.com/EYKANN8nkt
— Chargé d'Affaires Nicholas J. Giacobbe, Jr (@USAmbKosovo) December 5, 2021
Presidentja e Kosovës, Vjosa Osmani, u shpreh e pikëlluar me lajmin për vdekjen e senatorit Bob Dole.
“Një hero lufte, një politikan i respektuar dhe një mbështetës i lirisë në të gjithë botën. Por në veçanti, jemi mirënjohës që ai gjithmonë ka qëndruar pranë popullit të Kosovës në luftën tonë për pavarësi. U prefsh ne paqe mik i dashur”, shkroi ajo.
So saddened to hear of Senator Bob Dole’s passing.
— Vjosa Osmani (@VjosaOsmaniPRKS) December 5, 2021
A war hero, a respected politician, and a supporter of freedom all over the world. But in particular we are grateful that he always stood by the people of Kosovo in our struggle for independence.
Rest in peace dear friend. pic.twitter.com/RD2y0eaJuQ
Ish presidentja e Kosovës, Atifete Jahjaga, u shpreh e pikëlluar thellësisht për “humbjen e njërit prej miqve më të ngushtë të Kosovës – një përkrahës dhe mbrojtës i vendosur për pavarësinë e Kosovës, Senatorit Bob Dole! Ngushëllimet e mia të sinqerta familjes së tij, Shteteve të Bashkuara dhe miqve të tij në Kosovë! Bob, trashëgimia jote është e një njeriu të madh!”, shkroi ish presidentja Jahjaga.
Deeply saddened by the loss of one of Kosovo's closest friends- a staunch supporter and advocate for 🇽🇰 independence, Senator Bob Dole! My sincere condolences to his family, to the United States and to his friends in Kosovo! Bob, your legacy is that of a great man!
— Atifete Jahjaga (@atifetejahjaga) December 5, 2021
Ish kryeministri i Kosovës, Ramush Harafinaj, shkroi se “Senatori Dole mbetet një nga figurat kryesore që identifikon rrugën e Kosovës drejt shtetësisë. Ai ishte një nga politikanët e parë që njohu luftën tonë për liri dhe e udhëzoi Kosovën drejt asaj që jemi sot. Pusho i qetë Bob. Do të na mungosh!”, shkroi ai.
Në një shesh me emrin e ish senatorit Bob Dole në Prishtinë, ngrihet edhe busti i tij, në shenjë nderimi për rolin që luajti rreth çështjes së Kosovës.
Në gusht të vitit 1990, ish senatori Bob Dole së bashku me disa senatorë të tjerë vizitoi Prishtinën, që ishte vizita e parë e një zyrtari të lartë amerikan në Kosovë.
Ai zhvilloi takime me përfaqësuesit e shqiptarëve, në një kohë kur Kosovës i ishte hequr autonomia dhe ishte vënë nën gjendje të jashtëzakonshme nga autoritetet e Serbisë.
Më 12 qershor të vitit 2020 në një manifestim me rastin e përvjetorit të hyrjes së trupave të NATO-s në Kosovë, që i dhanë fund luftës gati dyvjeçare, ish senatori Dole, tha nëpërmjet në videomesazhi se ishte “i lumtur që kam qenë pjesë e kësaj historie dhe kam bërë çfarë kam mundur që të jem i dobishëm por ishin kryesisht njerëzit e vendit tuaj të madh që e kanë mundësuar këtë. Jam këtu për çdo gjë që do të keni nevojë dhe nëse mund të ju ndihmoj vetëm më thoni”./VOA
