Edi Rama, tashmë nuk po shkruan letra vetë. I ndodhur nën trsyninë e superskandalit, të inceneratorëve ku flitet për së paku 180 milionë euro abuzime, nuk i ka lënë vend më imagjinatës së tij, që të mund të brohoras i vetëm për rivllazërëimin me Serbinë, siç bënte dikur Enver Hoxha, i magjepsur me diktatorin sllavo-komunist Titon.
Ai tashmë në kor, po thërret vendet refuzuese për “Ballkan open-in”, i bashkuar me dy pushtetarët më antishqiptarë, Aleksandër Vuçiqin, të cilin SHBA-ja besohet se do ta fus në listë të zezë, dhe për kurtuazi, të mos e deklarojë praninë e tij aty, dhe me Zaevin, i cili e ka humbur legjitimitetin, pikërisht edhe pse iu kundërvu planeve amerikane për spastrim nga korrupsioni dhe mos zbatim të marrëveshjeve.
I zhytyr në krime marramendëse korruprive
Skandali shpërtheu me arrestimin e ish-ministrit Lefter Koka, por ai nuk është koka e krimit, pra nuk e përbën kupollën e atyre që morën vendimet kyçe dhe e mbuluan krimin deri tash.
Bëhet fjalë për një lloj investimi prej rreth 500 milionë euro, që u krye në tri qytete, duke filluar me Elbasanin, Fierin dhe më pas me Tiranën. Investimi në fakt bëhej nga shteti, dhe biznsimenët, në emër të të cilëve ekzistonin biznese merrnin përsipër pa kapital, të investonin’ qindra miliona euro, në inceneratorë, apo impiante për energji të ripërtëritshme nga plehrat.
Por, paratë nuk ishin të bizneseve. Ato ua jepte shteti në formë investimi të bizneseve, dhe që pas 20 viteve afërsisht ato të ktheheshin në pronë publike.
Kjo skemë e vrazhdë krimi, e importuar nga mafia siciliane, si “Cosa nostra”, i zhyti edhe krerët e shtetit thellë në krim, apo ëm saktë në plehrat e demokracisë.
Sipas dokumenteve të publikuara nga LSI përfshirë videot, akuzat rëndojnë mbi Edi Ramën, e deri tek këshilltari i tij Ëngjëll Agaçi, si dhe ish-ministri i Mjedisit Lefter Koka, i cili u arrestua nga SPAK.
I ndodhur ndërmjet presionit për hetime dhe trysnisë në rritje të opozitës, të shkaktuar nga lëvijza befasuese e Sali Berishës, Rama po kërkon mbështetje nga fqinjët më antishqiptarë, për momentin në pushtet.
Si duket edhe Rama është afër hyrjes në listën e zezë të SHBA-ve, dhe për shkak të miqësisë mes dy vendeve, emri i tij nuk do të publikohet.
Projekti i dështuar për ndarje të Kosovës me bekimin rus
Po, çfarë po kërkon në këto rrethana Rama, duke e sjellur në Tiranë Vuçiqin?
Miqësia e tyre e vetëkuptueshme. Rama në shumë informacione del mbështetësi i parë i idesë serbe për shkëmbim territori-ndarje të Kosovës, të projektuar publikisht nga Daçiqi qysh në vitin 2011, gjatë një takimi me Vuçiqin në Nish.
Më pas hyri në kor Hashim Thaçi, i cili e përqafoi atë agjendë serbe, duke menduar se në atë mënyrë do të kënaqte interesat serbe, dhe në pajtim me këtë, ai do të mund ta arrinte lirinë e plotë, e cila po i kërcënohej nga gjykata speciale. Për ta shmangur këtë gijotinë të lirisë së tij, ai do të bëhej një me palën serbe, dhe madje do të pranonte ta takonte Putinin, duke shpresuar që ta merrte edhe bekimin e tij, për ndarje të Kosovës.
Arratisja nga ‘liria’ Hashim Thaçin, e çoi edhe në andrallën, se ishte i gatshëm të kënaqte jo vetëm interesat serbe, por edhe ato ruse!
Ky plan përfundimisht dështoi me arrestimin e Thaçit nga gjykata speciale!
Në mungesë të këtij aktori të rëndësishëm tre palësh, sepse gjithçka e shenjtë është treshe, pra Ramës dhe Vuçiqit, po i mungonte i treti pas burgosjes së ish-presidentit të Kosovës, ata vendosen ta kompensojnë boshllëkun me një projekt të ri serb, dhe me një aktor të ri, Zaevin.
“Ballkani i hapur” Vuçiq-Rama, vrimë e zezë
Zaevi, i korruptuar tashmë rëndë, që po i dështonte qëllimisht realizimet e marrëveshjeve të premtuara për shqiptarët, duke i luftuar përpjekjet për fuqizim të identitetit tonë, dhe që nuk po i largonte dot anëtarët e listës së zezë të SHBA-ve, përkatësisht të refuzimit në heshtje për zbatimin e Dekretit ekzekutiv të presidentit Biden, është një plotësim i pamjes antishqiptare të treshes.
Për dallim nga Rama dhe Zaevi, Vuçiqi po llogarit në përkrahjen e fuqishme ruse, por edhe kineze. Investimet e jashtëzakonshme në armatosje, dhe kriza Perëndim/Rusi me Ukrainën, po shikohet si një mundësi reale e Serbisë, për të zhvilluar një dramë në veriun e Kosovës.
Edi Rama duke i heshtur këto skenare, është kthyer në mbështetës të tyre, siç bënte hapur me projektin e ndarjes së Kosovës. Në fakt, një heshtje e tashmë, është veçse derivim i një sjellje të hapur antishqiptare në bisedimet me Serbinë.
Aktualisht në Shqipëri, projektet e tilla po kundërshtohen më shumë deklarativisht nga Lulzim Basha, dhe Sali Berisha, i cili edhe ishte kundërshtuesi kryesor në Shqipëri, i projektit të Thaçit për ndarje të Kosovës!
Sali Berisha ka bërë thirrje që me 21 janar, të ndalohet ardhja e Vuçiqit në Shqipëri, dhe t’i jepet fund projekteve antishqiptare në Ballkan, për të krijuar hegjemoni serbe!
Shqiptarët, i madh e i vogël, Kosovë e Shqipëri, duhet të protestojnë kundër vizitës së Vuçiqit, dhe projektit antishqiptar, të udhëhequr nga treshja më antishqiptare aktualisht.
“Ballkani i hapur” Vuçiq-Rama është vrima e zezë për dorëzimin e shqiptarëve tek eshalonet serbe!
Protesto kundër klanit antishqiptar në shfaqjen proruse!
