(E plotësuar 11:56) - Gjashtë deputetë të PDK-së votojnë Projektligjin e propozuar nga Qeveria
Kuvendi i Kosovës ka miratuar në Shqyrtim të dytë Projektligjin për inspektimet.
Me 67 vota për dhe 10 kundër e ka kaluar ky Projektligj me 29 amandamente.
Në këtë projektligj parashihet krijimi i një Agjencioni të ri koordinues për inspektime në kuadër të Zyrës së Kryeministrit.
Ky projektligj po ashtu parasheh edhe numrin e rritjes së inspektorëve.
Pro këtij Projekligji kanë votuar edhe gjashtë deputet të PDK-së.
Ndërsa LDK-ja ka kundërshtuar këtë projektligj pasi siç kanë deklaruar në të kaluarën, vlerësojnë se me këtë veprim Zyra e Kryeministrit do t’i kontrollojë inspektimet.
***
Me 67 vota për, 10 kundër dhe asnjë abstenim deputetët e Kuvendit të Kosovës, kanë miratuar Projektligjin për Inspektimet.
Nga Komisioni funksional, janë paraparë 29 amendamente, të cilat u votuan një nga një.
Prezantimin e këtij Projektligji e paraqit deputetja e VV-së, Jeta Statovci. Ajo tha se një praktikë e tillë e inspektimit është në shumë shtete të botës.
“Është hartuar nga ministria e ka për qëllim t’i përcaktojë hartimet inspektuese dhe rregullat në procedurat inspektuese. Është e nevojshme për koordinim inspektuese. Hartimi i këtij Ligji është praktik në shumë shtete”.
“Komisioni për Ekonomi e shqyrtoi këtë projektligj me shmangie për lexim të dytë dhe vendosi që t’ia paraqes Kuvendit për miratim ketë projektligj”, tha Statovci.
