Analisti politik, Skënder Mulliqi ka komentuar qasjen e opozitës karshi vendimeve të qeverisë
Sipas tij, në vend të reformimit opozita ka zgjedhur rrugën e konfrontimit me pozitën mbi bazat jo parimore, përcjell “Bota sot”.
Postimi i plotë
Edhe përkundër atyre shumë punëve të mbrapshta të cilat i ka bërë opozita në të kaluarën kur ishin në pushtet, ajo edhe sot nuk është duke u reformuar! Edhe përkundër se qeverisën me korrupsion, krim të organizuar, nepotizëm, klientelizëm…, duke i okupuar institucionet e shtetit,duke i rrezikuar edhe të drejtat elementare njerëzore, ende po punojnë me logjikën e vjetër përfituese e zhvatëse. Qytetarët nuk ish dashur t’i harrojnë kurrë gjithë ato të liga që ju bënë në kurrizin e tyre. Në vend të reformimit opozita ka zgjedhur rrugën e konfrontimit me pozitën mbi bazat jo parimore. Janë duke vepruar dhe duke u sjellur në mënyrë histerike ndaj pozitës, edhe aty ku mbrohet interesi shtetëror dhe ai nacional! Është iracionale të mendohej se shumica i nënshtrohet pushteteve të tilla grabitçare. Edhe pse ngadalë do të jemi dëshmitarë se kësaj klase politike po i perëndon koha. Pse përjetuam një gjendje jo të mirë politike dhe ekonomike, përgjegjësia historike ju takon atyre, të cilët nuk arritën kurrë të bëhen njerëz të mirë të kësaj bote. Iracionaliteti nuk do të jetë fati ynë i përhershëm?!
