Një autobus i linjës Prishtinë-Graz (Austri) sonte rreth orës 22:00 ka pësuar aksident në Kupci të Madh afër Krushevcit, në Serbi.
Lajmin e ka konfirmuar Qeveria e Kosovës.
Në njoftim për media të Qeverisë se Kosovës thuhet se janë 9 udhëtarë të lënduar në spital dhe të gjithë janë jashtë rrezikut për jetë.
"Zyrtari ynë ndërlidhës është rrugës për në spitalin e Krushevcit për t’i vizituar të lënduarit", thuhet në reagim.
Njoftimi:
Sipas informatave të para, janë 9 udhëtarë të lënduar në spital dhe të gjithë janë jashtë rrezikut për jetë.
Kompania e udhëtimit ka nisur një autobus tjetër që t’i marrë udhëtarët që të vazhdojnë udhëtimin për në Graz.
Zyrtari ynë ndërlidhës është rrugës për në spitalin e Krushevcit për t’i vizituar të lënduarit.
Të lënduarve u urojmë shërim sa më të shpejtë.
Institucionet e Republikës së Kosovës janë në kontakt të vazhdueshëm për të bërë gjithçka që është e mundur për të ndihmuar të prekurit nga ky aksident.
