Deputetja e Kuvendit të Kosovës nga radhët e Listës Guxo, Doarsa Kica-Xhelili ka publikuar një fotografi me presidenten Vjosa Osmani ku ka kujtur ditën kur edhe zyrtarisht u bë pjesë e Listës Guxo.
Kica-Xhelili tha se që nga ajo ditë, ka bërë përpjekje për të kontribuar në fuqizimin e sundimit të ligjit.
Ajo tha se vullneti nuk u mungon, ndërsa thotë se durimi anipse po u sfidohet çdo ditë, e kanë.
“. Sidoqoftë, çdo ditë e më shumë, e kuptoj atë që Presidentja Osmani deshi të ma reflektojë sot një vit, duke cituar Presidentin e ndjerë, historik, Rugova: ‘Në jetë duhet pasur vullnet e durim, të mirat vijnë pastaj’. Vullnetin e kemi. Durimi na sfidohet çdo ditë – por e kemi”, ka shkruar ajo.
Tutje ajo ka cituar një thënie të Roosvelt ku thuhet: “Ky komb i madh do të durojë ashtu siç ka duruar, do të ringjallet dhe do të përparojë. Pra, para së gjithash, më lejoni të pohoj besimin tim të patundur se e vetmja gjë nga e cila duhet të kemi frikë është vetë frika (…)”.
Postimi i plotë:
Sot një vit, me Vjosën,
Sot, me Presidenten,
Sot një vit, ishte dita ime e parë në një ndërveprim politik – dita kur zyrtarisht u bëra pjesë e “Listës Vjosa”. Kur publikova fotografinë, me tanimë Presidenten Osmani, sqarimi im, ndër të tjera, ishte ky:
“(…) Në guximin për të dalur jashtë zonës së rehatisë dhe jashtë interesave të ngushta individuale për ti shërbyer interesave shtetërore, dhe për të kontribuar në fuqizimin e sundimit të ligjit.”
Çdo ditë, nga ajo ditë, përpiqem ta jetësoj këtë kontribut. Çdo ditë ndjej që mund të bëj më shumë. Çdo ditë, e kuptoj vështirësinë e të bërit më shumë, kur pak gjëra varen nga ti. Sidoqoftë, çdo ditë e më shumë, e kuptoj atë që Presidentja Osmani deshi të ma reflektojë sot një vit, duke cituar Presidentin e ndjerë, historik, Rugova:
“Në jetë duhet pasur vullnet e durim, të mirat vijnë pastaj”.
Vullnetin e kemi. Durimi na sfidohet çdo ditë – por e kemi.
Për çdo ditë, deri sot, dy gjëra kanë qenë të palëkundura: Besimi im në frymën e nisur sot një vit, dhe vlerësimi e përulësia që ndjej për këtë vend e njerëzit e saj.
I ndjeri Roosevelt, pat thënë:
“Ky komb i madh do të durojë ashtu siç ka duruar, do të ringjallet dhe do të përparojë. Pra, para së gjithash, më lejoni të pohoj besimin tim të patundur se e vetmja gjë nga e cila duhet të kemi frikë është vetë frika (…)”.
Prandaj, duhet vullneti. Prandaj, duhet durimi. Prandaj, duhet Guximi.
Guxo!
Doarsa R. Kica
