Lideri i AKR-së, Behxhet Pacolli, ka kujtuar se sot 10 vjet ka filluar procesi i dialogut për liberalizimin e vizave.
Ai është treguar i ashpër me BE-në e cila sipas tij që nga ajo kohë po i mbanë të izoluar kosovarët si një nga vendet me popullsinë më të re në Evropë.
Pacolli madje ka kërkuar që Evropa të veprojë dhe se edhe durimi e ka një kufi.
“Sot 10 vite më parë #Kosova filloi dialogun për liberalizimin e vizave. BE-ja duhet të pendohet që (ende) ka mbajtur të izoluar popullsinë më të re dhe më pro-evropiane, pavarësisht nëse janë plotësuar kushtet apo jo. Evropa duhet të veproj!! Durimi ka kufi!”, ka shkruar Pacolli.
