Ministrja e Drejtësisë, Albulena Haxhiu, ka thënë se në punëtorinë e organizuar nga Zyra e Kryeministrit, dje së bashku me kabinetin kanë prezantuar të arriturat, sfidat dhe planet për vitin 2022 e më tej.
Ajo ka prezantuar disa nga zotimet për të cilat ka thënë se do të punojnë.
“Reforma e thellë në drejtësi përmes Vettingut dhe ndryshimit të pakos ligjore për sistemin prokurorial, konfiskimi i pasurisë së pajustifikueshme, krimet e kryera gjatë luftës dhe adresimi i dhunës në familje janë vetëm disa nga zotimet tona për të cilat po punojmë shumë”.
“Faleminderit kabinetit dhe zyrtarëve të Ministrisë për punën dhe angazhimin e madh!”, ka thënë Haxhiu.
