Zëvendëskryeministri i parë i qeverisë Kurti, Besnik Bislimi ka qenë cak i kritikave pas takimit me Miroslav Lajçak dhe Gabriel Escobar.
Shkak i këtyre kritikave u bënë këpucët e Bislimit të cilat ishin të papastëra.
E pas këtyre përqeshjeve, në mbrojtje Bislimit i doli deputeti i LVV-së, Dimal Basha.
Ai në një postim në Facebook tha se këto sulme ndaj zëvendëskryeministrit nuk janë rastësore.
“E para, është i pakompromis, e dyta është krahu i djathtë i Kryeministrit, dhe e treta, udhëheq me dialogun dhe pengesë për idetë grenelliane dhe shokëve të tij”, deklaroi Basha, përcjell “Bota sot”.
Postim i plotë
Dje britmë e piskamë që s’ban me përqesh dikë për hobin, kurse sot paskan ndryshu kurs, po e përqeshin zv. Kryeministrin Bislimi për dukjen, sepse i paska pas këpucët me lloç! Se amerikanët t’i kqyrin këpucat sa vizllojnë, jo qëndrimet që i mban!!!
Nejse, sa për dijeninë tuaj, nuk e sulmojnë rasisht Bislën.
E para, është i pakompromis, e dyta është krahu i djathtë i Kryeministrit, dhe e treta, udhëheq me dialogun dhe pengesë për idetë grenelliane dhe shokëve të tij!
