Sonte, kreu i PSD-së, Dardan Molliqaj u arrestua nga policia.
Arrestimi i Molliqajt u përcjell me shumë kritika të mëdha. Mirëpo, i të njëjtit mendim nuk është edhe analisti Shkëlzen Gashi.
Gashi e cilësoi Molliqajn një huligan, i cili kishte tentuar të poshtëronte policinë e shtetit.
“Huligani kishte tentuar ta poshtëronte shtetin, siç e poshtëronte dikur kryeministri i tanishëm që, ndonëse kërkohej nga policia, jepte intervista nepër televizione ose mbante fjalime para qytetarëve”, shkroi ai në Facebook, përcjell “Bota sot”.
Postim i plotë
Një huligan e goditi një polic. policia shpalli publikisht se është në kërkim të huliganit. Një medium televiziv e thirri huliganin në intervistë. Policia shkoi në oborrin e mediumit dhe e arrestoi huliganin para intervistës. Huligani kishte tentuar ta poshtëronte shtetin, siç e poshtëronte dikur kryeministri i tanishëm që, ndonëse kërkohej nga policia, jepte intervista nepër televizione ose mbante fjalime para qytetarëve.
Huligani duhet ta ketë parasysh se mjeshtri i këtyre metodave tani është kryeministër dhe se në politikë duhet të jesh kreativ dhe origjinal, e jo huligan dhe kopjac i keq.
Natën e mirë dhe gjumin e embël 🙂
