Ish-ministri i Jashtëm i Kosovës, Enver Hoxhaj ka komentuar lajmin e fundit nga Shqipëria, e cila do të bëhet bashkëhartuese me SHBA-në në Këshillin e Sigurimit të OKB-së, për çështjen e Ukrainës.
Hoxhaj, përmes një statusi në rrjetin social Facebook, ka thënë se ky është lajm i mirë për shqiptarët dhe kjo e bën Shqipërinë promovuese të paqes dhe sigurisë në rajon, derisa, siç u shpreh ai, Rusia vazhdon të jetë kërcënim i rendit ndërkombëtar.
Statusi i plotë i Enver Hoxhajt:
Lajm i mirë për shqiptarët!
Shqipëria po rritet në nivel ndërkombëtar! 🇦🇱Shqipëria në Këshillin e Sigurimit të OKB-së bashkë me SHBA-në do të hartojnë qëndrimin për çështjen e krizës së Ukrainës. Ky është lajm i madh për të gjithë shqiptarët dhe e bën Shqipërinë promovuese të paqes dhe sigurisë në rajon, derisa, Rusia vazhdon të jetë kërcënim i rendit ndërkombëtar.
