Deputeti dhe kryetari i AKR-së, Behgjet Pacolli, ka reaguar ndaj deputetëve të Kuvendit të Kosovës.
Ai përmes një postimi në Facebook, ka thënë se është e pakuptueshme qasja e ligjvënësve në raport me interesat e qytetarëve të Kosovës.
Pacolli tha se deputetët e pozitës duhet ta kuptojnë se nuk ka gjë më të rëndësishme se sa diskutimi për një problem të madh që iu shkaktohet qytetarëve siç është shtrenjtimi i rrymës.
Ai shkruan se qytetarët do të irritohen shumë kur t'ju vijnë faturat e rrymës të papërballueshme.
Postimi i plotë
E pakuptueshme qasja e deputeteve te Kuvendit të Kosovës në raport me interesat e qytetarëve të Kosovës.
Deputetët e pozitës duhet ta kuptojnë se ska gjë më të rëndësishme se sa diskutimi për një problem të madh që iu shkaktohet qytetarëve siç është shtrenjtimi i rrymës.
Qytetarët janë ata që e mbushin buxhetin e Kosovës me kontributet dhe taksat tyre dhe para tyre duhet të japin llogari këta deputet. I lig dhe i pa përgjegjëshem është veprimi i tyre sot se si iu shmangën debatit për shtrenjtimin e energjisë.
Qytetarët do të iritohen shumë kur në fund të muajit faturat të cilat so tu vijnë do të jenë të papërballueshme.
Nuk di si qytetarët do të përballojnë trendin e shtrejtimeve të produkteve dhe shërbimeve bazike jetësore???😡😡😡
