Policia e Kosovës ka njoftuar se ka shpëtuar një person nga ngulfatja në Vushtrri.
Në njoftimin e bërë për media thuhet se ngjarja ka ndodhur në orët e mesditës.
“Falë reagimit të shpejtë të zyrtarëve policor, sot është shpëtuar nga ngulfatja një qytetar nga Vushtrria. Ngjarja ka ndodhur në orët e mesditës, kur dy hetues të Sektorit Rajonal të Hetimeve, kanë vërejtur një person me gjendje të përkeqësuar shëndetësore të cilit iu kishin bllokuar rrugët e frymëmarrjes. Reagimi i shpejtë i dy zyrtarëve policor ka bërë që qytetarit të i lirohen rrugët e frymëmarrjes, të shpëtohet nga ngulfatja dhe ta kthejnë në gjendje stabile”, thuhet në njoftim.
Tutje, Policia bën të ditur se, pas normalizimit të gjendjes shëndetësore, qytetari i moshës rreth 60 vjeçar, ka falënderuar zyrtarët policor për ndihmën e dhënë dhe veprimet e ndërmarra.
