Kryesuesi i Bordit të Zyrës së Rregullatorit për Energji (ZRRE), Ymer Fejzullahu ka folur për vendimin e shtrenjtimit të energjisë elektrike.
Fejzullahu ka deklaruar se sipas tyre 70% e popullatës nuk e kalojnë 800 kwh të tarifave.
Sipas tyre vetëm 30 për qind do të paguajnë më shtrenjtë, rrjedhimisht me tarifën e re.
“Në bazë të dhënave ekzistuese ne kemi thënë që 70% e konsumatorëve nuk e kalojnë bllokun mbi 800 kwh orë dhe nuk do të preken prej tarifave të reja”, tha ai.
“Ndërsa konsumatorët me 30% duhet ta paguajnë atë kosto që e shkaktojnë sistem meqë e kemi thënë edhe në diskutimet tjera importi ka qenë 150 milionë euro vitin e kaluar”, u shpreh ai.
Ndërkohë ai është shprehur se një numër i madh i qytetarëve konsiderojnë se janë duke u prekur mirë por ata duhet të kenë parasysh që kjo është kosto e energjisë dhe nuk është e drejt që 75% e konsumatorëve të paguajnë pjesën tjetër të konsumatorëve sepse sipas tij secili muaj mund të jetë i ndryshëm.
“Ne e kemi rastin konkret që edhe muaji janar i këtij viti nuk është i ngjashëm apo i njëjtë me janarin e vitit të kaluar”, tha ai.
