Fotografia e komandantit legjendar, Adem Jashari, është shfaqur sot në billborde në një nga autostradat më të frekuentuara në Amerikë.
Këtë e ka mundësuar kompania shqiptaro-amerikane “Tafingo”, e cila vepron në SHBA dhe Kosovë, për 14-vjetorin e pavarësisë.
“HAPPY INDEPENDENCE DAY KOSOVA! 14th ANNIVERSARY” është mbishkrimi, që bashkë me fotografinë e komandantit legjendar, Adem Jashari, shumë amerikanë do ta shohin për një javë.
E për këtë ka folur pronari i kompanisë Tafingo Dren Deva.
Deva tha se janë 14 billboarde që janë vendosur në autostradën I-95.
“Kjo është hera e dytë që i kemi vendosur ne. Hera e parë ka qenë në vitin 2019-të në New York në autostradën I-95 kanë diku gjashtë Bill Boarde. Tani prej 15 shkurtit deri më 22 shkurt janë gjithsejt 14 billboarde që janë vendosur në autostradën I-95 nga Bostoni, New York, New Jersey, Connecticut dhe Florida, pasi që këtu ka më së shumti popullatë shqiptare”.
