Kryetari i Skënderajt, Fadil Nura, ka thënë se dikush i ka prerë qëllimisht kabllot metalike të transparentit me fotografi të ish-komandantëve të Ushtrisë Çlirimtare të Kosovës, Hashim Thaçit dhe Kadri Veselit.
Ai, me anë të një postimi në rrjetin social Facebook, ka thënë se ky është një gjest i ulët.
“Një akt i tillë si ky i prerjes së qëllimshme të kabllove metalike të transparentit me fotografi të Thaçit e Veselit me mbishkrimin “Liria ka emër”, është i papranueshëm dhe tepër i ulët”.
“Dikë po e pengon e vërteta. Historia nuk mund të rishkruhet me veprime të tilla. Drenica nuk i harron bijtë e saj. Një veprim i tillë ka veç një adresë e cila gjendet jashtë kufijve, ndërsa ekzekutorët duhet t’i gjejë policia, që tashme po merret me rastin”, ka shkruar Nura.
