Drejtori i zyrës së ashtuquajtur për Kosovë Petar Petkoviç, sipas medieve serbe i ka reaguar kryeministrit të Kosovës pas fjalës së tij në panelin e Samitit të Sigurisë në Mynih, ku tha se e kaluara nuk kalon derisa krimet e luftës dhe gjenocidi mohohen.
Petkoviç ka mohuar gjenocidin duke i thënë kryeministrit që të mos shpik “gjenocid të paqenë”, por të merret me të pagjeturit, shkruan “Kosovo-online” transmeton “Bota Sot”.
“Kurti ka harruar të përmend se e kaluara nuk do jetë prapa neve, përderisa kemi mijëra serb të dëbuar nga Kosova, shtëpi të djegura edhe objekte fetare, por edhe të vrarë e të pagjetur.
Pse refuzoni hulumtimin për të pagjeturit në 9 lokacione që ne kërkojmë? Pse fshihni arkivat e UÇK-së, që keni pranuar se ekzistojnë? Ndaloni të shpikni gjenocidin e paqenë dhe nisni hulumtimin për të pagjeturit” ka shkruar Petkoviç për Kurtin.
Por në këtë reagim të Petkoviç, në postimin e vetë në Twiter, të paktën deri tani kryeministri i Kosovës nuk ka reaguar, duke e injoruar në tërësi postimin e tij.
