Ish-ushtarja e UÇK-së Xhyhere Vezaj Maçkaj ka bërë një thirrje për gratë e dëshmorëve të luftës.
Xhyhere Vezaj Maçkaj e cila është themeluesja e shoqatës “Gratë e dëshmorëve”, tha se këto gra duhet ta marrin guximin dhe të fillojnë jetën e tyre.
“Ta marrin guximin dhe fillojnë përpara jetën e tyre pa marrë parasysh nëse deri sot u ka munguar guximi, nëse nuk ki guxim, nuk ki me mbrri asgjë”, tha ajo.
Ish-ushtarja e UÇK-së shtoi se ato duhet të kenë po ashtu mbështetje më të madhe edhe prej institucioneve.
“Dhe ta marrin guximin të dalin para medieve dhe të dalin t’i kërkojnë të drejtat e tyre ku u lejohet me ligj. Ta kenë një mbështetje më të madhe prej institucioneve”, tha Vezaj Maçkaj.
