Profesor dr. Sadri Ramabaja, thotë se Serbia po dëshmohet si shteti më rusofil në Evropë, andaj shton se, fare lehtë mund të reprizojë kaosin e viteve të 90-ta.
Ramabaj kërkon nga Brukseli e Uashingtoni që ta ndalin Serbinë sa nuk është vonë.
Sipas tij, Kosova duhet të futet në NATO me procedura të përshpejtuara, derisa shton se është edhe një rrugë e krijimit të Federatës Shqiptare.
Postimi i plotë:
Serbia po dëshmohet si shteti më rusofil në Europë.
Brukseli dhe Uashingtoni tashmë duhet ta kuptojnë se ajo fare lehtë, mund ta reprizojë kaosin e viteve '90-ta në këtë pjesë të Europës Juglindore. Prandaj Serbia duhet të ndalet tani sa nuk është vonë dhe sa është e mundur.
Aderimi i Kosovës në NATO me procedura të përshpejtuara, është njëra nga rrugët që mund ta ndalin marshin serb.
Rruga tjetër mbetet miratimi i krijimit të Federatës Shqiptare, duke ia kthyer kështu Kosovën trungut, prej nga u nda në vitin 1912.
