Njohësi i çështjeve të sigurisë Nuredin Ibishi në emisionin DPT te Fidani, ka folur rreth rrezikut për Kosovën pasi Rusia nisi pushtimin e Ukrainës.
Thotë se presidenti serb Aleksandar Vuçiq, e di se për sigurinë e Kosovës kujdeset KFOR’i.
“Në top të rrezikut është Bosnja megjithëse edhe ne nuk jemi larg”, thotë Ibishi.
“Ky (Vuçiq) ka me u munduar me e luajt atë sistemin e Rusisë, atë luftën hibride duke ngrit kinse forcat seperatiste brenda shtetit, në këtë rast ekstremistët serbë për shembull…”, shpjegon Ibishi.
“Duke u munduar për të arsyetuar një ndërhyrje”, thotë ai.
“Vuçiq sa herë ka ardhur deri në kufi dhe u rikthye jashtë për shkak se e di që Kosovën e mbron KFOR’i që është me mandat të Këshillit të Sigurimit”, tha ai.
“Për këtë arsye, unë Vuçiqin, me gjithë stabilishmentin e vetë e shoh që ai lëre të ngrit tensione por të jetë krah me Rusinë sepse u krijua një opinion i brendshëm prorus në Serbi në Republika Srpska dhe një pjesë e opinionit edhe në Mal të Zi që një formë është prorus, që do të jetë një shancë që në prill lehtësisht t’i fitojnë zgjedhjet në mënyrë dominonte”, shtoi Ibishi.
