Shefi i Grupit Parlamentar të Aleancës për Ardhmërinë e Kosovës (AAK), Besnik Tahiri tha se qeveria ka marrë “masat më te lodhëta” në Ballkanin Perëndimor për të kaluar situatën me rritjen e çmimeve. Ai ka kërkuar masa konkrete, derisa ka kritikuar qasjen e kryeministrit karshi kësaj gjendje.
Në seancën e jashtëzakonshme ku po mbahet debat parlamentar për rritjen e çmimeve, Tahiri theksoi se ka rritje të enorme të çmimeve, por jo edhe reagim nga ana e qeverisë në këtë situatë.
Tahiri: Ne sot kërkojmë llogari nga qeveria që ka fituar mbi 50 për qind
“Ne sot kërkojmë llogari nga një qeveri që ka fituar mbi 50 për qind, e cila nuk ka marrë asnjë masë apo të them më mirë, ka marrë masat më të lodhëta në Ballkanin Perëndimor e barazuar me masat që i kanë marrë vendet e kontinentit të Afrikës me trendin më të ulët të varfërisë”, ka deklaruar ai.
Më tej, ai ka kërkuar masa konkrete për kalimin e kësaj krize.
Tahiri: A jeni të vetëdijshëm se sa është bë buka e qumështi?”
“Unë e kuptoj që ka kryeministri aftësi për fjalime me rima, bojlera, filtera, që të citojë tulifar filozofi në majtë e në të djathë. Si Grup Parlamentar ne kërkojmë që të ketë masa konkrete që e prekin qytetarin e Kosovës, që e prek njeriun e varfër, secilin individ që është prekë nga kjo krizë o njerëz? A jeni të vetëdijshëm se sa është bërë buka e qumështi?” tha ai.
Shefi i deputetëve të AAK-së, Besnik Tahiri tha kërkesa e parë e Aleancës për Ardhmërinë Kosovës është Ligji i Pagave.
Tahiri: Ku është marsi, a është mashtrim, apo e vërtetë?
“A jeni të vetëdijshëm që këtu keni dalë, ministri Sveçla, kryeministri dhe keni thënë që në mars e përfundojmë ligjin. Ku është marsi, a është mashtrim, apo e vërtetë? Ku është ligji? Pse nuk po kalon ligji. Por, ende nuk ka dalë në konsultimin paraprak. Ju lutem nuk mundeni me mua”, ka deklaruar ai.
