Ministri i Mbrojtjes, Armend Mehaj ka pritur në takim përfaqësuesin e Republikës së Kosovës për Marrëdhënie me NATO, Astrit Zemaj.
Sipas njoftimit të ministrit Mehaj, temë e diskutimit ishin angazhimet institucionale për procesin e anëtarësimit të vendit tonë në NATO.
“Vazhdojmë angazhimet për anëtarësim të vendit tonë në NATO. Sot prita në takim Përfaqësuesin e Republikës së Kosovës për Marrëdhënie me NATO-n, Astrit Zemaj, me të cilin diskutuam për angazhimet tona institucionale për procesin e anëtarësimit të vendit tonë në NATO.
Ishte qëndrim i përbashkët që këtij procesi t’i qasemi me strategji të mirëfilltë shtetërore dhe të koordinuar me miqtë tanë ndërkombëtar”, ka shkruar Mehaj.
