Sokol Havolli është zëvendës Guvernator në Banken Qendrore të Kosovës. Duke mbajtur këtë pozitë, zv/guvernatori ka deklaruar pasurinë e tij tek Agjencia Kundër Korrupsionit.
Ai ka deklaruar tek pasuria e paluajtshme posedon dy shtëpi, një banesë e toka bujqësore, të gjitha në vlerën mbi 706 mijë euro.
Ai ka deklaruar edhe një veturë në emër të bashkëshortes në vlerën 26 mijë euro. Bashkëshortja e tij është edhe bashkëpronare në një kompani private me 25% të aksioneve, në vlerën 1,500 euro.
Afro 8 mijë euro janë të kursyera në bankë, të deklaruara në emër të tij dhe bashkëshortes së tij.
Ndërkaq mbi 257 mijë euro janë borxhet e tij, duke i deklaruar si kredi, huazime dhe mbitërheqje.
Ai ka deklaruar se merr rrogë mujore mbi 3 mijë euro, derisa të hyrat vjetore kapin vlerën mbi 38 mijë euro. Derisa e bashkëshortes së tij, rroga mujore është mbi 1 mijë euro, që punon në një bankë në Kosovë.
Pasuria e tij në total e deklaruar arrin vlerën mbi 838 mijë euro.
