​Hajdari: Rritet numri i ankesave të konsumatorëve në 300 për qind

Gjatë vitit 2021 niveli i eksporteve të mallrave të Kosovës është rritur për 62 për qind, ndërsa investimet e huaja kanë qenë gati 500 milionë euro.

Kështu ka bërë të ditur ministrja e Industrisë, Ndërmarrësisë dhe Tregtisë, Rozeta Hajdari para anëtarë të Komisionit për Ekonomi, Industri, Ndërmarrësi dhe Tregti.

Ajo ka folur për punën e ministrisë për vitin 2021 dhe planin e punës për vitin 2022, për projektligjet e miratuar nga kuvendi dhe projektligjet që janë në proces të miratimit.

Ministrja Hajdari foli për objektivat që i ka dikasteri që ajo e udhëheq, duke pikasur mbrojtjen e konsumatorit.

“Objektiva parë është përmirësimi i mjedisit të të bërit biznes dhe zhvillimi i konkurreshmërisë në sektorin privat, objektivi dytë është zhvillimi i politikave tregtare dhe industriale me qëllim përmirësimin e bilancit tregtarë, objektivi i tretë mbështetja e bizneseve, objektivi katër zhvillimi e qëndrueshëm nëpërmjet turizmit, objektivi pesë promovimi dhe përkrahja e investimeve, e objektivi gjashtë përmirësimi i infrastrukturës së cilësisë, përfshirë edhe mbrojtjen e konsumatorit”, tha ajo.

E kryetari i komisionit, Ferat Shala kërkoi të di për udhëzimin administrativ që e rregullon sektorin e naftës dhe për subvencionimin e bujqve me naftë.

“Patëm veprime qeveritare që identifikuan që kemi pas defekte në këtë sektor, a do të ishte më mire që të kishim një shënjëzim dhe këto mundësi mos t’u jepen atyre që të keqpërdorin. Cili është mendimi juridik e teknik që subvencionimi i naftës ta kemi ashtu siç është planifikuar për bujqit e të kos kemi keqpërdorime”, pyeti Shala.

Ministrja Hajdari tha se markimi i naftës është një problem i trashëguar. Ndërsa tha se problemi duhet të zgjidhet në doganë dhe jo te konsumatori.

“Ne kemi trashëguar një proces me udhëzim administrativ i ngushtë dhe pa bazë ligjore për naftën i cili nuk e kishte par shikimin e markimin e naftës. Ne kemi anuluar pjesërisht udhëzimin administrativ për t’u ulur me palën kontraktuese për të biseduar”

“Ne nuk duhet ta marrim problemin te konsumatori por duhet ta adresojmë problemin te hyrja në doganë. Kemi vlerësuar të gjitha aspektet e kualitetit të naftës dhe kemi ardhur në përfundim se kemi problem me hyrjen e naftës më treg.“

“Për naftën për bujqësi nuk kemi problem, kemi problem te importi naftës për qëllime bujqësore. E kemi mekanizmin i cili veçse është hyrë në fuqi dhe po i mbledhim raportet nga laboratorët duke përfshirë doganën,  laboratorin e ministrisë, nga këto palë do t’i shohim parametrat se si do të vijnë. Dhe pastaj sipas ligjit do tu adresojmë këto manipulime në treg”, tha ministrja Hajdari.

Gjatë raportimit në Komisionin për Ekonomi, ministrja e Industrisë, Ndërmarrësisë dhe Tregtisë, Rozeta Hajdari, theksoi se gjatë vitit 2021 numri i ankesave të konsumatorëve ka arrit në 2000 ose 300 për qind më shumë se viti paraprak.

Derisa theksoi se gjatë vitit të kaluar niveli i eksporteve të mallrave të Kosovës është rritur për 62 për qind.

Ministrja Hajdari tha po ashtu se gjatë vitit 2021, investimet e huaja kanë qenë gati 500 milionë euro.

Ministrja Hajdari ka njoftuar anëtarët e Komisionit për projektligjet e miratuar nga kuvendi dhe projektligjet që janë në proces të miratimit.

Ajo po ashtu ka thënë rreth 80 për qind e masave të MSA janë finalizuar nga kjo ministri gjatë vitit 2021.

Ka nisur raportimi i ministres Rozeta Hajdara në Komisionin për Ekonomi, Industri, Ndërmarrësi dhe Tregti.

Ministrja e Industrisë, Ndërmarrësisë dhe Tregtisë, Rozeta Hajdari do të raportojë këtë të martë para deputetëve anëtarë të Komisionit për Ekonomi, Industri, Ndërmarrësi dhe Tregti.

Në këtë komisioni ministrja Hajdari do të raportojë për punën e ministrisë për vitin 2021 dhe planin e punës për vitin 2022.

Komisioni pritet të mblidhet në ora 10:00.

Rendi i ditës:

1. Miratimi i rendit të ditës;

2. Miratimi i procesverbaleve nga mbledhjet e mbajtura më datë 17-22.03.2022 dhe 22.03.2022;

3. Shqyrtimi i raportit me amendamente të Projektligjit nr.08/L-076 për mbrojtjen e sekreteve tregtare;

4. Shqyrtimi i raportit me amendamente të Projektligjit nr.08/L-075 për markat tregtare;

5. Raportimi i ministres së industrisë, ndërmarrësisë dhe tregtisë, znj.Rozeta Hajdari, për punën e ministrisë për vitin 2021 dhe planin e punës për vitin 2022;

6. Të ndryshme.

Vendi: N10

Koha: 10:00