Ministri i Mbrojtjes, Armend Mehaj ka bërë të ditur edhe për një sukses tjetër të radhës të ushtarëve të FSK-së.
Ai përmes një shkrimi në Facebook, ka njoftuar se rreshter Besart Kasumi nga Qendra Ndërkombëtare e Trajnimeve të Kërkim Shpëtimit (QNTKSH) zuri vendin e tretë, në garën e skijimit në Kampin ndërkombëtar “Ëinter Camp Slovenia 2022”
Postimi në Facebook:
Edhe një sukses i madh i radhës së ushtarakëve tanë.
Dy nënoficerët tanë Besart Kasumi dhe Flamur Kajtazi morën pjesë në Kampin ndërkombëtar "Winter Camp Slovenia 2022", në mesin e 44 garuesëve ushtarakë nga shtete anëtare të NATO-së.
Pas përfundimit të Kampit Dimëror ndër aktivitete të ndryshme ishte dhe gara e skijimit në disiplinën e sllallomit të madh në skijimin alpin.
Në konkurrencë shumë të madhe, rreshter Besart Kasumi nga Qendra Ndërkombëtare e Trajnimeve të Kërkim Shpëtimit (QNTKSH) zuri vendin e tretë.
Vazhdojmë me suksese të radhës!
