Drejtori i Përgjithshëm i Policisë së Kosovës, Samedin Mehmeti, thotë se është në rritje numri i pjesëtarëve që po heqin dorë nga Policia e Kosovës.
Mehmeti, teksa po raporton në Komisionin për Çështje të Sigurisë dhe Mbrojtjes, këtë trend po e cilëson si fatkeqësi dhe vlerëson se nuk e di arsyen.
“Fatkeqësisht kemi rënie të numrit të pjesëtarëve të rinj të Policisë së Kosovës.
Po ashtu është e vërtetë se shumë pjesëtarë po e lënë punën në Policinë e Kosovës. Mbase është çështje sociale apo ekonomike, mbase duhet të kemi një ekspert që merret me këtë çështje”, tha Mehmeti në komision.
