Shqiptari i lindur e i rritur në Turqi, Soner Ozbilen, sonte ishte i ftuar në Oxygen Show ku shpalosi shumëçka nga jeta e tij.
Ozbilen për 46 vjet kishte kënduar këngë popullore turke madje edhe shqipe në Radio Televizionin e Turqisë.
Në vitin 1935 prindërit e tij kishin emigruar për në Turqi.
Ai tha se vjen shpesh në Kosovë për t’i vizituar të afërmit, madje tha se e jep shpirtin për këtë vend.
“Dajtë i kam, akrabatë, nipat i kam këtu, vi shumë në Kosovë dhe e dua shumë Kosovën. Që jemi shqiptarë nuk e kam harru Kosovën, e jap shpirtin për Kosovën”, ka thënë ai.
