Kryetari i AAK-së, Ramush Haradinaj ka takuar kryeministrin e Shqipërisë, Edi Ramën, me të cilin ka biseduar për bashkëpunimi mes dy vendeve si në ekonomi, infrastrukturë, siguri e politikë të jashtme.
Ata së bashku kanë biseduar edhe për projektin e Hekurudhës Prishtinë – Durrës, të cilin e shohin si projekt i domosdoshëm për të dyja vendet.
Postimi në Facebook:
Bashkëpunimi mes Kosovës dhe Shqipërisë në ekonomi, infrastrukturë, siguri e politikë të jashtme, ishin temat kryesore të takimit të sotëm me Kryeministrin Edi Rama.
Bashkëbiseduam gjithashtu për projektin e Hekurudhës Prishtinë - Durrës si projekt i domosdoshëm për të dyja vendet, si dhe dhënien e dyshtetësisë për qytetarët tanë.
Falënderova Kryeministrin Rama për ndihmën e shtetit shqiptar gjatë krizës energjetike në Kosovë dhe shpreha nevojën e gjetjes së mënyrave të bashkëpunimit të ngushtë mes dy vendeve në këtë kohë aspak normale.
