Punë ka, por profesionistë jo.
Kompanitë që merren me kultivimin e pemëve dhe perimeve po kanë problem në gjetjen e punëtorëve të kualifikuar për një sërë pozitash.
Në këtë sektor janë të punësuar mbi dy mijë punëtorë, 33% prej tyre gra. Por gati gjysma e tyre angazhohen vetëm brenda një sezone, nga katër deri tetë muaj.
Këto dhe statistika tjera për këtë sektor u prezantuan të mërkurën nga PePeKos.
Në Kosovë ka rënë bereqeti i pemëve dhe perimeve, ani pse ka shumë tokë të punuar.
Megjithatë, është rritur shitja, që kapi vlerën afër 35 milionë euro më 2021.
Ndërkohë dheu kosovar është më i përshtatshëm për disa kultura.
Për këtë industri u kërkua nga shteti digjitalizim e shërbime më të lehta.
Sipas të dhënave të PePeKos, në Kosovë janë një mijë e 701 fermerë që kultivojnë pemë.
