Shefja e grupit të deputetëve të VV-së, Mimoza Kusari-Lila, tha se seanca e radhës është paralajmëruar të mbahet më 28 prill.
“Seanca e radhës është më 28 prill. Shtesë është votimi i kërkesës për themelimin e Komisionit Hetimor, zgjedhjen e një anëtari të bordit RTK dhe debati për punën e qeverisë’’ ka thënë Kusari-Lila pas mbledhjes së kryesisë së kuvendit.
Ajo është shprehur se këto janë pikat të cilat u caktuan për seancën e ardhshme të rregullt.
“Këto janë pikat që caktuam për seancë të rregullt. Ekzistojnë dy forma që mund të procedohet tutje e para mund të tërhiqen nënshkrimet apo edhe të tërhiqet ajo kërkesë dhe të procedohet njëri grup parlamentar ri opozitës”, tha ajo.
Po ashtu Kusari-Lila ka folur edhe për mandatin e UNMIK-ut në Kosovë.
“Tashmë është e tejkaluar mandati i UNMIK-ut dhe Kosova është vend i pavarur. Megjithatë në përmbajtje nuk e ka asnjë kuptim funksionimi i UNMIK-ut”, tha ajo.
Pritet të shihet në Lëvizja Vetëvendosje të ndryshojë qëndrim lidhur me komisionin hetimor
