Kryetari i Aleancës për Ardhmërinë e Kosovës, Ramush Haradinaj ka shtruar disa pyetje publike për kryeministrin e Kosovës, Albin Kurti që lidhen me sektorin e energjisë në vend.
Haradinaj, ka pyetur Kurtin edhe për skandalin ku dyshohet se është përfshirë ambasadori i Kosovës në Zagreb, Martin Berishaj.
Reagimi i plotë i Haradinajt:
Pse po dështon ndërtimi i kapaciteteve të reja energjetike në Vend?
Pse ka dështuar Kosova C?
Pse ka dështuar Kosova e Re?
Pse ka dështuar remonti i termocentraleve i paraparë të kryhej gjatë verës?
Pse janë paguar dhjetëra milionë për blerjen e rrymës me çmime astronomike gjatë dimrit?
Pse paguhen dhjetëra milionë të tjerë për rrymën e vjedhur në veri?
Pse është refuzuar gazi amerikan?
Pse e ke refuzuar komisionin hetimor për blerjen e energjisë?
Pse njeriu yt po përflitet të jetë pjesë e skandalit financiar të një kompanie mafioze energjetike?
Fol Kryeministër. Shpjegoja popullit ku je ti në këtë histori?
