Deputeti i Aleancës për Ardhmërinë e Kosovës, Pal Lekaj, e ka uruar ish-presidentin Hashim Thaçi për përvjetorin e 54-të të lindjes.
Përmes një postimi në Facebook, Lekaj ka uruar që së shpejti të takohet në Kosovë me Thaçin.
“Urime ditëlindjen miku im, president Hashim Thaçi! U pafshim së shpejti në Kosovë, me ty dhe shokët e tjerë”, ka shkruar Lekaj.
Thaçi dhe ish-krerë të tjerë të UÇK-së aktualisht po mbahen në paraburgimin e Gjykatës Speciale në Hagë, nën akuzat për krime lufte dhe krime kundër njerëzimit.
