Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informoi se nga 349 testime, 7 qytetarë kanë rezultuar pozitivë me virusin COVID-19.
Gjatë 24 orëve të fundit, nuk është shënuar asnjë rast i vdekjes.
Sot janë shëruar 13 qytetarë, derisa numri i përgjithshëm i të shëruarve është 224.431. Në total numri i rasteve aktive është 428.
Në 24 orët e fundit janë dhënë 62 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 1.825.458 doza të vaksinës.
Deri më sot 821.788 qytetarë janë vaksinuar me dozën e dytë.
Deri më sot janë dhënë 101.226 doza përforcuese dhe doza të treta të vaksinës kundër COVID-19.
