Zëvendëskryeministri Besnik Bislimi priti sot në takim ambasadorin e Turqisë në Kosovë, Çagri Sakar me të cilin bisedoi mbi marrëdhëniet miqësore mes dy vendeve, dhe mundësitë e reja të bashkëpunimit në fusha e sektorë ku shteti i Turqisë mund të ofrojë përkrahje.
Investimet dhe donacionet nga shteti turk kanë financuar projekte të rëndësishme në fushat si ajo e shëndetësisë, arsimit, agrikulturës, infrastrukturës e shumë të tjera.
Fokusi i bisedës gjatë këtij takimi ishte në diskutimin e mundësive për bashkëpunim në fushën e energjisë dhe potencialit të investimeve strategjike në këtë sektor.
Bislimi e falënderoi ambasadorin turk për vizitën dhe për mbështetjen e vazhdueshme që shteti i Turqisë i ka dhënë Kosovës dhe popullit të saj, thuhet në komunikatë.
