Kryetari i Grupit Parlamentar të PDK-së, Abelard Tahiri u ka kërkuar falje qytetarëve për sharjen që sot gjatë seancës plenare ua bëri deputetëve të Lëvizjes Vetëvendosje.
Tahiri në një postim në Facebook ka shkruar se sharja nuk i ishte drejtuar asnjë deputeti në veçanti dhe as nuk kishte për qëllim fyerjen e askujt.
Postimi i plotë:
Të dashur miq e të nderuar qytetarë
Për kërkim falje të sinqertë nuk ka nevojë për arsyetime, prandaj ju kërkoj ndjesë të gjithëve, për një reagim verbal të atypëratyshëm gjatë seancës së sotshme, i cili si i tillë nuk ishte i drejtuar ndaj asnjë deputeti në veçanti dhe as nuk kishte për qëllim fyerjen e askujt, si dhe i cili reagim nuk përfaqëson as qëndrimin tim politik si deputet dhe as karakterin tim personal si qytetar.
