Lidhja Demokratike e Kosovës ka vijuar punimet e konventës, “Lidhja për të Ardhmen” me panelin e dytë ku temë e diskutimit ishte “Politika e Jashtme, Mërgata dhe Bashkëpunimi Rajonal”.
Në këtë panel, nënkryetari i LDK-së, Lutfi Haziri tha se kjo parti ka marrëdhënie të fortë me mergatën.
“Mërgata dhe LDK-ja kanë një marrëdhënie të përhershme burimore, të cilën do ta forcojmë edhe më tej”, është shprehur Haziri.
Pjesë e këtij paneli ishte edhe nënkryetarja e kësaj partie, Shqipe Mjekiqi, e cila tha se anëtarësimi i Kosovës në NATO e BE për LDK-në është aspiratë e domosdoshmëri.
Kurse, dy anëtarët e kryesisë qendrore të LDK-së, Teutë Sahatqija e Valon Murtezaj thanë se LDK do ta rikthejë Kosovën si partnere e besueshme mes miqve në skenën ndërkombëtare.
