Hasan Berisha, nga fshati Dubravë e Kaçanikut, është vrarë sot në Kaçanik si pasojë e një shkëmbimi me armë zjarri.
Burimet kanë thënë se Berisha, një person i njohur për autoritetet e sigurisë dhe drejtësisë në vend, vdiq nga plagët e marra me armë zjarri në afërsi të varrezave të Kaçanikut mesditën e së martës.
Në të njëjtin rast mbeti i plagosur një person tjetër, tha sot zëdhënësi i Policisë së Kosovës, Kanun Veseli.
Sipas një raportimi të Betimit për Drejtësi në vitin 2018, Hasan Berisha ndiqej penalisht nga Prokuroria e Shtetit për veprën penale të detyrimit në tentativë.
Sipas aktakuzës së Prokurorisë Themelore në Ferizaj, Hasan Berisha dhe i akuzuari tjetër Basri Baftiri, dyshohen se me qëllim që vetës t’i sillnin dobi pasurori të kundërligjshme, kanë përdorur kërcënimin e rëndë për të detyruar personin tjetër që të veproj në dëm të pasurisë së tij.
