Profesoresha e Fakultetit të Mjekësisë, Hatixhe Latifi-Pupovci, është sulmuar fizikisht dje në vendin e saj të punës, nga prindi i një studenti, i cili është po ashtu mjek me profesion.
Pupovci ka thënë se është sulmuar fizikisht nga gjinekologu Arsim Gashi, i cili, siç ka thënë ajo, është ndarë i pakënaqur me notën që e ka vlerësuar ajo djalin e tij student.
Ndërkohë Policia e Kosovës ka njoftuar se i dyshuari është dërguar në mbajtje.
“Është arrestuar i dyshuari mashkull kosovar pasi që ka shkuar në zyrën e viktimës femër kosovare (profesoreshë në fakultet) dhe e ka sulmuar fizikisht viktimën. Arsyeja e sulmit ndërlidhet me vlerësimin e “pa drejtë” në provim, që ka bërë viktima ndaj djalit të të dyshuarit. Viktimës iu është ofruar trajtim mjekësor. Lidhur me rastin është konsultuar prokurori i shtetit me vendim të së cilit i dyshuari pas intervistimit është dërguar në mbajtje” thuhet në raportin 24-orësh të Policisë.
