Kryetari i Kuvendit të Kosovës Glauk Konjufca e ka quajtur lajm të mirë aplikimin e Kosovës në Këshillin e Evropës.
Ai në një intervistë për RTKLive ka thënë se ka pasur përpjekje edhe më herët për anëtarësim në KiE, por zhvillimet e fundit krijuan një situatë më të favorshme për aplikim.
“Aplikimi për anëtarësim në Këshillin e Evropës është një lajm shumë i mirë për Kosovën. Këshilli i Evropës ka qenë edhe përpjekje e qeverive të kaluara, por tash është një tjerë atmosferë për shkak të ndryshimeve në Kosovë e deri tek ato ndërkombëtare. Tash është krijuar një momentum për Kosovën”, ka thënë ai.
Konjufca tha se Serbia nuk do të lë gurë pa lëvizur për të mos lejuar pranimin e Kosovës në Këshillin e Evropës.
