Kryetari i Grupit Parlamentar të Partisë Demokratike të Kosovës, Abelard Tahiri, ka kërkuar që pika për Projektligjin për pagën minimale të shtyhet dhe të mos hyjë në votim në seancën e sotme.
Për shkak të situatës së krijuar jashtë Kuvendit të Kosovës, ai kërkoi që ky projektligj të vijë në Kuvend për votim pasi t’i nënshtrohet një debati me Qeverinë e Kosovës, ku do të parashihet përfshirja e veteranëve të UÇK-së.
Tahiri: Mos të hyjë në votimi për Ligji për pagën minimale
“Mendojmë që nuk është mirë me hy në votim sa i përket pikës së parë, sa i përket çështjes së pagës minimale. Kjo çështje është mirë të zhvendoset në një seancë tjetër pasi t’i nënshtrohet edhe një debati së bashku me Qeverinë e Kosovës, ne sot shohim edhe acarimin e kësaj gjendje sa i përket çështjes së veteranëve të OVL-së, ne nuk jemi këtu për të tensionuar situatë ne jemi për të zgjedhur probleme andaj është në interes tonin të përgjithshëm që kjo kategori tepër e rëndësishme dhe shumë e ndjeshme të trajtohet ashtu siç duhet, siç e meritojnë dhe mos të jetë përplasje politike e jona në Kuvend të Kosovës por të shtyhet dhe të mos hyjë në votim sepse edhe në kohën kur kemi pasur debat e kemi refuzuar një çështje të tillë dhe pasi të kemi një diskutim dhe të arrijmë një dakordim me Ministrinë e Financave sa i përket edhe involvimit të çështjes së veteranëve atëherë edhe mund të hyjmë në votim”, u shpreh Tahiri.
E derisa seanca e Kuvendi po vazhdon protesta e veteranëve te Ushtrisë Çlirimtare të Kosovës të cilët po kundërshtojnë projektligjin për pagën minimale ku nuk janë përfshirë kjo kategori.
