Kryetari i Kuvendit të Kosovës, Glauk Konjufca dhe shefi i kabinetit të tij Ilir Kërçeli me 17 qershor do të zhvillojnë vizitë në Hagë.
Në njoftimin e bërë për vizitën u theksua se do të vizitohen krerët e UÇK-së atje, ndërsa Kërçeli konfirmon se ata do të takohen edhe me ish-presidentin Thaçi dhe ish-kreun e Kuvendit Veseli.
Të hënën, shefi i kabinetit të Konjufcës, Ilir Kërçeli njoftoi ““Bashkë me kryeparlamentarin Konjufca me datën 17 Qershor udhëtojmë për t’i vizituar ish krerët e UÇK-së në Hagë”.
Ndërsa, në pyetjen e Gazetës nëse Konjufca do të zhvillojë takim në Hagë edhe me Hashim Thaçin dhe Kadri Veselin ai u përgjigj: “Të gjithë do i takojmë”, tha shkurtë Kërçeli.
Kujtojmë se ish-presidenti Hashim Thaçi dhe ish-kryetari i Kuvendit Kadri Veseli, nuk e kanë pranuar në vizitë Ministren e Drejtësisë, Albulena Haxhiun.
