Një tragjedi e rëndë ka ndodhur në fshatin Peran të Podujevës pasditen e sotme, ku një person ka mbetur i vrarë si pasojë e plagëve të marra nga arma e zjarrit.
Sipas medias lokale, dyshohet se babai e ka vrarë djalin pas mosmarrëveshjeve për pronë. Sipas tyre, i vrarë ka mbetur E. Ismajli ndaj të cilit dyshohet se me armë zjarri ka shtënë babai i tij, N. Ismajli.
“Rreth orës 18:00, është raportuar për të shtëna me armë zjarri në fshatin Peran të komunës së Podujevës. Policia ka dalë në vendin e ngjarjes dhe mbështetur në të dhënat e para, bëhet e ditur se një person, ka humbur jetën si pasojë e plagëve të marra nga arma zjarrit. Vdekja e viktimës është konstatuar nga ana e mjekëve emergjent. Policia ka iniciuar një hetim me synim sqarimin e të gjitha rrethanave që karakterizojnë rastin”, ka deklaruar ai
RTK ka publikuar pamje nga vendi i ngjarjes ku dyshohet se ndodhi krimi.
