Ministri austriak i punëve të jashtme Aleksander Shalenberg shpreson se në Samitin e ardhëm të BE-së dhe vendeve të Ballkanit do të dërgohet sinjal i qartë jo vetëm në drejtimin lindjes , por edhe në jug-lindje të Evropës.
Shalenberg në panelin e diskutimeve në kuadër të tubimit të sivjetshëm të Këshillit të Evropës për politikë të jashtme në Berlin, nënvizoi se nëse BE lëshon sinjal lindjes, duhet të përmbush edhe përgjegjësinë e vetë gjeo-politike ndaj jug-lindjes së Evropës.
Ai theksoi se Ukraina nuk është në konkurrencë me shtetet e Ballkanit perëndimor, por se bëhet fjalë për besueshmërinë e BE-së në arritjen e përparimit edhe për shtetet në jug-lindje të Evropës, të cilave BE iu premtoi në Selanik para 19 viteve.
Shalenberg u deklaruar pro dhënies së statusit të kandidatit edhe për Kosovën edhe BeH.
"Kemi përshtypje se po e humbim Ballkanin” sqaroi Shalenberg, duke shtuar se në Serbi përshtypjet ndaj BE-së janë më negative dhe shumica refuzon BE-në.
"Ky nuk është oborr në prapavijë të BE-së, por është qendra, andaj duhet të veprojmë, kjo është detyra jonë më e rëndësishme strategjike që kemi përpara vetes”, tha ai.
Nuk e kuptoj pse Kina blen autostrada në rajon e ne vetëm vëzhgojmë, shpesh nuk e kuptoj këtë logjikë, tha Shalenberg.
Pa stabilitet edhe siguri të përhershme në lindje edhe jug-lindje të Evropës nuk do ketë as në qendër të Evropës, tha ai.
"Nëse veprojmë fuqishëm në Ukrainë edhe Moldavi, këtët duhet ta bëjmë edhe në Ballkan”, tha Shelenberg.
