Kati Schneeberger, këshilltare lokale e Bashkimit Evropian, ka marrë përgjigje nga presidenti i Këshillit të Evropës, Charles Michel, për çështjen e liberalizimit të vizave për kosovarët.
“Mund t’iu sigurojmë se komentet tuaja po përcjellën me kujdes”, citohet të ketë thënë në përgjigjen e tij Charles Michel për Schneeberger.
Ajo e ka njoftuar një gjë të tillë me anë të një postimi në Twitter, teksa ka thënë se është në pritje të përgjigjes së Francës për çështjen e liberalizimit për kosovarët.
“Mirë, por liberalizimi i vizave kur do të vijë? Jam në pritje të përgjigjes nga Franca”, ka shkruar ajo në Twitter.
Schneeberg pati iniciuar një peticion për liberalizimin e vizave për Kosovën, i cili është nënshkruar 16,290 herë. Ky peticion i është dërguar edhe presidentit francez, Emmanuel Macron, i cili ende nuk ka dhënë përgjigje për këtë.
